نەشتەرگەری جوانکاریی لیفتی | دەموچاو

نەشتەرگەریی لیفتی دەموچاو و ناوچاوان:

بۆ مڕۆڤێکی نورماڵ لە تەواو مێژوودا زاڵبوون بەسەر بەساڵاچوویی و جوان ماندنەوه له خولی ناوەڕاستی تەمەن و پیری گرنگی تایبەتی هەبووه. بە تێپەڕبوونی کات و زۆربوونی تەمەن، کەسەکان به هۆی شلبوونی شانەکانی پارێزەی پێست و ماسولکەکان و هەروەها هێزی ڕاکێشانی زەوی و تیشکی هەتاو  و مردنی پێست و چەورییەکان و هۆکارەکانی تر دووچاری داکەوتوویی دەبن.

له ئێستادا هەموو هۆکارە پیرکەرەکانی دەموچاو بەهێزتر بوون و لە ئەنجامی ئەم گۆڕانکارییانه چرچولۆچی قووڵ به ناوچاواندا و هێڵی پێکەنین و دەوروبەری چاو و هێڵی تووڕەبوون دروستدەبێت و به کەمبوونەوەی چەوریی ناوچەی ڕوومەت شێوەی گشتی دەموچاو گۆرانکاری بەسەردادێت. هەروەها گۆشەی لێوەکان دادەکەون و هێڵە بەرچاوەکانی ناوچەی شەویلگە و ڕوومەت بەتەواوی وندەبن.

لە ئێستادا زانستیش ڕێگەچارەی گونجاوی بۆ بەرەنگاربوونەوە لەگەڵ تێپەڕبوونی تەمەن دابینکردوه که یەکێک لەوانه ئەنجامدانی نەشتەرگەریی لیفتی دەموچاوه. تەمەنی ئەنجامدانی نەشتەرگەریی لیفتی دەموچاو بەپێی بابەت و شێوازی ژیانی کەسەکان جۆراوجۆره بەڵام باشترین کات ناوەڕاستی تەمەن و تەمەنی پیرییه.

لەم نەشتەرگەرییەدا پاش پشکنینی سەرەتایی لەباری نەخۆشینی گشتی و ڕاوێژکاری پێویست لەگەڵ نەخۆش و دابینکردنی فۆتۆگرافی پێویست له دەموچاوی نەخۆش، بڕیار بۆ نەشتەرگەریی دەدرێت.

شێوازی نەشتەرگەریی لیفتی ناوچاوان و برۆ

چەند شێواز هەیه:

• شێوازی کلاسیک: لەم شێوازەدا بە بڕینی پێستی سەر لە ناوچەی سەر گوێوه تا گوێی بەرانبەر و بە تەکنیکی تایبەت پێستی زیاده هەڵدەگیرێت و شانەکانی ناوچەی ناوچاوانیش ئازاددەکرێن و ئەم کارە دەبێته هۆی چارەسەرکردنی چرچولۆچی و لیفتی برۆ و ناوچاوان.

شێوازەکانی تر کەڵکی کەمتریان هەیه.

• شێوازی ئەندسکۆپیک: لەم شێوازەدا ناوچەی سەر چکوله چکولە دەبڕدرێت و به ئامێری ئەندسکۆپی شانەکانی ناوچاوان ئازاددەبن و بە تەقەڵی تایبەت نەشتەرگەریی لیفت ئەنجامدەدرێت. لەم شێوازەدا پێستی زیادە هەڵناگیرێت بۆیه لە بابەتی داکەوتوویی کەمدا بەکاردێت و بۆ داکەوتوویی مامناوەندی و زۆر و چرچولۆچی قووڵ کەڵکی نییه و وەکو شێوازێکی گونجاو بەئەژمارنایەت.

لیفتی دەموچاو

لەم شێوازەدا لەلایەن بڕینی تەنیشت گوێ و هێڵی ڕوانی موو و درێژەدانی بڕین تا ناوچەی پشت گوێ، پێست و شانەکانی ژێر پێست لەسەر ماسولکەکانی دەموچاو جیادەبێتەوه و تۆیەک لەم شانەیه که بە ناوی SMAS ناسراوه به بڕین یا تەقەڵی تایبەت دەکێشرێت که بەم شێوه ماسولکەکانی ژێروی و چەورییەکانی دەموچاو دەکێشرێن و پاشان پێستی زیاده بە پێی پێویست هەڵدەگیردرێت.

ئەنجامدانی ئەم نەشتەرگەرییه پێویستی به ئەزموونی و وردی زۆری پزیشکی نەشتەرگەرییه. چونکا سەرنجنەدانی گونجاو دەبێته هۆی زیاندیتنی دەماری دەموچاو که خۆی دەبێته هۆی دیفۆرمیتی و کاریگەریی ناگونجاوی جۆراوجۆری تر. بەگشتی نەشتەرگەریی لیفتی دەموچاو لەلایەن پزیشکێکی بەئەزموون و لێهاتوو وەکوو دکتۆر (سوفی زادە)وه کاریگەریی ناگونجاوی هەرە کەمی هەیه و جێگە برینی زۆر کەم دەمێنێتەوه که به ئاسانی نابیندرێت.

---