نەشتەرگەریی لێو | دەموچاو

هەبوونی لێوی بەرز و شێوەدار یەکێک له نیشانە بەرچاوەکانی جوانیی دەموچاوه. هەروەها مەودای نێوان لێو و لووتیش دەبێ هاوڕێژە بێت لەگەڵ گشت دەموچاو. بە شێوەیەک که ئەگەر ژێر لووت تا چناکه بە سێ بەش دابەشکەین ئەم بەشە دەبێ یەکسێیەمی لەخۆبگرێت. ئەگەر ئەم پێوەرانه هەبوونیان نەبێت و له پێکهاتەی چناکەدا بەرچاونەگیرابێتن دەتوانین بە کەڵکوەرگرتن له فیلەرەکان و جۆرەکانی نەشتەرگەری و جۆرەکانی پرۆتێز بەم ئامانجه بگەین. لەو کەسانەدا که قەبارەی لێویان کەمە به تێشاندنی ماکی قەبارەدەر دەتوانین لێوەکان جوانتربکەین که ئەمڕۆ ئاسانترین شێواز تێشاندنی جەل لە لێودایه و له بێهەستی شوێنیدا ئەنجامدەدرێت.

خاڵی زۆرگرنگ هەڵبژاردنی جەلی گونجاو و چۆنیەتیدار و ئەستاندارده که بتوانین بە متمانەوە بگەینە ئامانجەکەمان. قەبارەدەرەکانی تر بۆ لێو چەورییەکانن، شانەی چەوری له ناوچەی زگ یا ڕانی خودی نەخۆش دابیندەکرێت  و پاش قۆناغەکانی پاڵاوتن قەبارەیەکی گونجاو لەم چەورییه دەخرێته ناو لێوەوە. خاڵی گرنگی تر سەبارەت به قەبارەدەرەکان، پێویست به دووپاتکردنەوە له مەودای تایبەتدایه.

شێوازی تری قەبارەدان به لێو کەڵکوەرگرتن له پرۆتێزی لێوه که دوو جۆری “زۆر نەرم” و “نەرم”ی هەیه و هەردووکیان بە بێهەستی شوێنی ئەنجامدەدرێن.  سەرەڕای ئەمانه دەتوانین بۆ ئەو کەسانەی که مەودای نێوان لووت و لێویان زۆره بۆ پێکهێنانی هاوڕێژەیی باشتر له دەموچاودا بەشێک له پێستی ئەم ناوچە هەڵبگیردرێت.

---